სიცოცხლისათვის ბრძოლის მწვავე დღეებმა შთააგონა ავტორს „ღამეზე გადებული ხიდები“. ამ რომანში დახატულია იმ ადამიანის სახე, ვისაც მძიმე ხვედრი ხვდა წილად გადაიტანა გულის ურთულესი ოპერაცია, და კვლავ დაუბრუნდა ცხოვრებას; აგრეთვე მოთხრობილია იმ ადამიანებზე, დღედაღამ თავგამოდებით რომ იბრძვიან განწირულთა გადასარჩენად, მათთვის ყველაზე ძვირფასი რამის ჯანმრთელობის აღსადგენად.

მეორე რომანში კი („ესე არს დღე“) ნაჩვენებია დღევანდელი ინტელიგენცია, ჩვენი ახალგაზრდობა, ქართველი ჟურნალისტების საქმიანობა, მათი მაღალი მოქალაქეობრივი პასუხისმგებლობა და ჩვენს საზოგადოებაში ჯერ კიდევ არსებული მორალური კონფლიქტები.